Завяршаюцца калядныя святы, якія былі прысвечаны адной з галоўных падзей для кожнага хрысціяніна – Нараджэнню Ісуса Хрыста. Здаўна ў гэтыя дні было прынята наведваць богаслужэнні, дапамагаць тым, хто мае патрэбу, ну і, вядома ж, не забываць аб падарунках для дзяцей. Такім падарункам для вучняў школы стала батлеечная пастаноўка ў выкананні метадыста ДУК “Цэнтралізаваная клубная сістэма Маладзечанскага раёна”Вольгі Трубач.
З цікавасцю рабяты праглядзелі батлеечнага спектакля "Пра нараджэнне Ісуса". У сюжэце прадстаўлення ляжаць падзеі нараджэння Ісуса Хрыста. Як мы памятаем з Евангелля, гэтая навіна вельмі хутка разляцелася па Віфлееме. А вешчуны, што праходзілі міма, даведаліся аб месцы, дзе нарадзіўся збавіцель, дзякуючы новай яркай зорцы, што з’явілася на небе. Спектакль пазнаёміў вучняў з сапраўднымі чалавечымі каштоўнасцямі, навучыў распазнаваць дабро і зло.
Вучні даведаліся адкуль пайшла назва «батлейка», якімі словамі традыцыйна пачынаўся выступ батлейшчыкаў, колькі «паверхаў» звычайна мела батлеечная скрыня, а таксама у чым іх сімвалічнае значэнне.
Пасля прадстаўлення хлопчыкі і дзяўчынкі зазірнулі ў батлеечную скрыню, з цікавасцю разглядалі лялек і нават паспрабавалі сябе ў ролі акцёраў гэтага незвычайнага тэатра.
